تاجیکستان کشتهشدن دو مرزبان و حمله از خاک افغانستان را تأیید کرد
کمیته امنیت ملی تاجیکستان تأیید کرده است که در پی یک درگیری مرزی، دو تن از مرزبانان این کشور کشته شدهاند و این حمله از خاک افغانستان صورت گرفته است.
این کمیته روز پنجشنبه، ۴ جدی، اعلام کرد که در جریان درگیری میان نیروهای مرزی تاجیکستان و مهاجمان مسلح، سه مهاجم نیز کشته شدهاند.
پیش از این، روزنامه ۸صبح به نقل از منابع گزارش داده بود که مرزبانان تاجیکستان از سوی افراد مسلح از خاک افغانستان هدف حمله قرار گرفتهاند. بر اساس این گزارش، حمله از ولسوالی شهربزرگ ولایت بدخشان و ولسوالی چاهآب ولایت تخار انجام شده است.
به گفته منابع، اجساد مهاجمان در اختیار نیروهای تاجیکستان قرار دارد و نزد آنان نگهداری میشود.
کمیته امنیت ملی تاجیکستان گفته است که افراد کشتهشده عضو یک «سازمان تروریستی» بودهاند، اما هویت آنان را مشخص نکرده است. همچنین، به گفته این نهاد، از نزد مهاجمان کشتهشده مقداری مهمات نیز به دست آمده است.
این کمیته تأکید کرده است که رهبری طالبان باید از مردم تاجیکستان عذرخواهی کرده و اقدامات مؤثر و عملی برای جلوگیری از حملات تروریستی از خاک افغانستان انجام دهد.
این رویداد در حالی رخ داده است که پیش از این نیز پنج شهروند چین در پی حملاتی از خاک افغانستان در مرز تاجیکستان کشته شده بودند. طالبان آن حمله را تأیید کرده و از آغاز تحقیقات در این باره خبر داده بودند.
