رییس‌جمهور غنی به قندهار رفت

ارگ ریاست‌جمهوری اعلام کرده است محمد اشرف غنی رییس جمهوری کشور، با شماری از مقامات حکومتی به ولایت قندهار سفر کرده است.

در خبرنامه ارگ آمده است که آقای غنی در جریان این سفر شماری از پروژه‌های عام‌المنفعه را که کارشان تکمیل شده، افتتاح می‌کند.

در اعلامیه همچنان گفته شده است که آقای غنی در این سفر با بزرگان، عالمان دین، جوانان و زنان ولایت قندهار نیز دیدارهای جداگانه خواهد داشت.

آقای غنی درحالی سفرهای ولایتی خود را باردیگرآغاز کرده است که شماری از نامزدان معترض به کارکردهای او، این سفرهارا کمپاینی خوانده اند.