محب با حکمتیار و محقق دیدار نمود
“حمدالله محب”، مشاور امنیت ملی جمهوری اسلامی افغانستان و “محمد عمر داودزی”، رئیس دارالانشای شورای عالی صلح با “گلبدین حکمتیار”، رهبر حزب اسلامی و حاجی “محمد محقق”، رهبر حزب وحدت اسلامی مردم افغانستان دیدار نمودند.
به گزارش خبرگزاری میثاق، این دیدارها شام روز گذشته (دوشنبه 12 حمل) به طور جداگانه صورت گرفته است.
در این دیدارها دو طرف روی موضوعات جاری مملکت بخصوص مذاکرات جاری صلح، چگونگى برگزارى جرگه مشورتی و مسايل سياسى امنيتى كشور بحث و مشورت نموده‌اند.
این در حالی است که در این اواخیر موضوع مذاکرات صلح بسیار داغ گردیده است.
