رویارویی تیم ملی فوتسال افغانستان با تاجیکستان در رقابت‌های کشورهای اسلامی
تیم ملی فوتسال افغانستان امروز سه‌شنبه، ۱۳ عقرب، در چهارچوب رقابت‌های «همبستگی کشورهای اسلامی» به مصاف تاجیکستان می‌رود.
این دیدار ساعت ۱۲:۳۰ چاشت به وقت کابل در شهر ریاض، پایتخت عربستان سعودی، برگزار خواهد شد.
بر اساس برنامه اعلام‌شده، ملی‌پوشان فوتسال افغانستان پس از این بازی قرار است در برابر تیم‌های قدرتمند مراکش و ایران نیز به میدان بروند.
گفتنی است که تیم‌های افغانستان و تاجیکستان تاکنون سه بار با یک‌دیگر دیدار کرده‌اند؛ یک بازی به سود افغانستان، یک مسابقه به تساوی و دیدار دیگر به نفع تاجیکستان پایان یافته است.
