400 جنگجوی طالبان برای شامل شدن در مکتب امتحان داده اند

مقامات ریاست معارف طالبان برای ولایت هرات می گویند که اخیرا، از 400 جنگجوی این گروه امتحان گرفته اند تا آنان پس از سالها جنگیدن، درس بخوانند.

به گفته این ریاست، روز دوشنبه، 7 حمل، ۴۰۰ عضو این گروه برای شمولیت در مکاتب دولتی، در یک آزمون ورودی شرکت کرده اند.

ریاست معارف هرات گفته قرار است که جنگ‌جویان طالبان پس از این آزمون، شامل صنف های 11 و 12 شوند.

پیش از این نیز طالبان در ولایت بدخشان از حدود 1600 نفر از جنگجویان خویش امتحان گرفته بودندتا آنان را شامل مکتب سازند.

رییس معارف ولایت هرات می گوید که امتحانات شامل جنگجویانی می شوند که سالها از مکتب دور بوده و در جبهات جنگ مصروف بوده اند.

گزارش: محمد جعفر احمدی