موافقت تاجکستان برای انتقال زندانیان افغان به کشور/۸۰ زندانی از تاجکستان امروز به کشور بازگردانده میشود

مقام های افغان خبر داده است که تاجیکستان موافقت کرده که حدود ۸۰ زندانی افغان را برای ادامه محکومیت شان به افغانستان بفرستد.

صبغت‌الله احمدی سخنگوی وزارت امور خارجه در صفحه‌ی توییترش نوشته که این مورد روز گذشته شنبه ( ۵ اسد) در دیدار صلاح‌الدین ربانی سرپرست وزارت امور خارجه و امام‌علی رحمان رییس جمهور تاجیکستان در حاشیه نشست وزیران خارجه آسیای مرکزی، توافق شده‌است.

آقای احمدی گفته که در این دیدار، وزیر خارجه کشور از تاجیکستان خواهان اجرایی شدن موافقت‌نامه استرداد مجرمان میان دو کشور و انتقال زندانیان افغان به کشور شده‌است، وی افزوده؛ بربنیاد این توافق قرار است ۸۰ نفر از شهروندان کشور که در تاجکستان در زندان به سر میبرد صبح امروز یکشنبه (۶ اسد)  برای ادامه محکومیت شان به کشور انتقال داده شوند.

در حال حاضر افغانستان با کشورهای پاکستان، ایران، هندوستان، ازبیکستان، امارات متحده عربی و شماری از کشورهای منطقه توافق‌نامه استرداد مجرمین را امضا کرده‌است.

بر بنیاد این موافقت‌نامه‌ها، طرف های امضا کننده باید زندانیان کشور خود را به کشور شان باز گردانده و باقی‌مانده محکومیت زندانیان در کشور خود شان سپری شود.

 

 

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

download free uapkmod,action game apk mod, android apps apk mod